انفاق قرآن کریم کی روشنی میں کا مسودہ

{{شروع متن}}
{{سوال}}
قرآن کریم کی نظر میں انفاق کی اہمیت، عظمت، مقام و منزلت اور اس کے اثرات کیا ہیں؟
{{پایان سوال}}
{{پاسخ}}
'''انفاق'''، دین کے اہم ترین اور مرکزی اجزاء میں سے ایک ہے جس کا ذکر [[قرآن مجید]] میں متعدد مقامات پر ہوا ہے اور اس کے بارے میں ہمیں کافی سفارش بھی کی گئی ہے نیز اس کے لیے خداوند متعال کی طرف سے عظیم اجر و پاداش معین کیا گیا ہے۔

طہارت، پاک و پاکیزگی، تزکیہ، نیکی، روحانی و معنوی مقامات اور سماج و معاشرے سے فقر کے خاتمے کو انفاق کے آثار میں شمار کیا گیا ہے۔ قرآن مجید کے اعتبار سے انفاق کرنے والے مؤمنین، پرہیزگار اور نیک کام انجام دینے والے ہیں۔ انفاق کو غیب پر ایمان، صبر، نیکی، اقامہ نماز جیسے اوصاف کے ساتھ بیان کرکے اسے ایک مسلمان کی بنیادی خصوصیتوں میں شمار کیا گیا ہے جنہیں پروردگار عالم نے بہشت کا وعدہ دیا ہے۔

قرآن کریم کے اعتبار سے فقراء، محرومین، یتیم، بے سہارا اور محتاج وغیرہ جیسے طبقے کے لوگ انفاق لینے کے مستحق سمجھے جاتے ہیں۔ 

== انفاق کی اہمیت اور فضیلت ==
[[خداوند متعال]] نے جو کچھ بھی انسان کو روزی کی شکل میں عنایت کیا ہے اس میں سے خدا کی راہ میں عطا کردینے کو انفاق کہا جاتا ہے۔<ref>معینی، محسن، «انفاق»، دانشنامه قرآن و قرآن پژوهی، به کوشش بهاالدین خرمشاهی، تهران، دوستان، ناهید، ۱۳۸۱ش، ج۱، ص۳۱۳.</ref>
 
انفاق ایک اہم ترین اخلاقی پہلو اور فضیلت ترین امور میں سے شمار کیا جاتا ہے جس کی تاکید قرآن کریم میں متعدد مقامات پر کی گئی ہے۔ خداوند متعال نے انفاق کرنے والوں کو اجر عظیم، اعلیٰ درجات اور بہشت جیسے انعامات سے نوازا ہے۔<ref>سوره حدید، آیه۱۱. سوره انفال، آیه۶۰. سوره توبه، آیه۲۱.</ref> جس مال میں سے انفاق کیا جاتا ہے وہ کئی برابر ہوجاتا ہے۔<ref>سوره بقره، آیه ۲۶۱. سوره قصص، آیه ۵۴.</ref> انفاق کرنے والوں کو نہ ہی کوئی خوف ہوتا ہے اور نہ ہی وہ حزن و ملال میں مبتلا ہوتے ہیں۔<ref>سوره بقره، آیه ۲۷۴.</ref>

قرآن کریم میں سینکڑوں آیتیں محروموں کی مدد کے سلسلے میں زکات، خمس، صدقہ، انفاق، قرض الحسنہ، اطعام، ایثار وغیرہ وغیرہ کی شکل میں بیان ہوئی ہیں۔ قرآن کریم نے انفاق کی نوعیت، اس کی مقدار، انفاق کرنے والے کے شرائط اور جن کی طرف انفاق کیا جاتا ہے سب کے سلسلے میں رہنمائی اور ہدایات موجود ہیں ۔ خداوند متعال نے قرآن مجید میں متعدد مقامات پر انفاق کا حکم دیا ہے۔<ref>قرائتی، محسن، تفسیر نور، تهران، مرکز فرهنگی درس‌هایی از قرآن‏، ۱۳۸۸ش، ج۹، ص۴۶۱.</ref> اس کی اہمیت اتنی ہے کہ پروردگار عالم ایک آیت میں تو عتاب آمیز لہجہ میں ارشاد فرماتا ہے: 
{{عربی|وَمَا لَكُمْ أَلَّا تُنْفِقُوا فِي سَبِيلِ اللَّهِ وَلِلَّهِ مِيرَاثُ السَّمَاوَاتِ وَالْأَرْضِ|ترجمہ=}}<ref>سوره بقره، آیه ۱۹۵.</ref>  یعنی جب زمین و آسمان سب کچھ اللہ ہی کا ہے تو پھر تم اللہ تبارک و تعالیٰ کی راہ میں انفاق کیوں نہیں کرتے ہو؟!<ref>سوره حدید، آیه ۱۰.</ref>

انفاق میں عبادی اور اجتماعی اعتبار سے دو جہتیں پائی جاتی ہیں: پہلی جہت یہ ہے کہ انسان کو روحانی لحاظ سے ارفع و اعلیٰ مرتبہ پر پہنچا دیتا ہے۔ اور دوسری جہت یہ ہے کہ یہ سماج و معاشرے کی اقتصادی اور اجتماعی حالت کو بہتر بنادیتا ہے۔  قرآن کریم میں بہت سی آیتیں ایسی ہیں جن میں متقین اور نیکو کاروں کی خوبیوں کو بیان کیا گیا ہے اور انہیں انفاق کی سفارش اور تاکید کی گئی ہے۔ دین اسلام میں اہم ترین اور عظیم ترین چیزوں میں سے ایک چیز جسے اسلام نے دو اہم بنیادیں «[[حقوق اللہ]]» اور «[[حقوق الناس]]» میں سے ایک کے زیر سایہ خاص توجہ کا حامل بنایا اور لوگوں کو اس کی ادائیگی کی طرف ترغیب بھی دلائی وہ انفاق ہے۔<ref>طباطبایی، محمد حسین، المیزان فی تفسیر القرآن، ترجمه: محمدباقر موسوی همدانی، قم، دفتر انتشارات اسلامی‏، ۱۳۷۴ش، ج۲، ص۵۸۷.</ref> پروردگار عالم نے قرآن مجید میں ارشاد فرمایا ہے کہ: جو کچھ بھی تم انفاق کروگے خداوند متعال اس کا بدلہ عنایت فرمائے گا۔<ref>سوره بقره، آیه ۲۷۲. سوره فاطر، آیه ۲۹. سوره سبأ، آیه ۳۹.</ref> خداوند متعال نے ایک آیت میں انفاق کو ایک ایسی بیج سے تشبیہ دی ہے جو سات سو دانہ میں تبدیل ہوجاتی ہے۔<ref>سوره بقره، آیه ۲۶۱. سبحانی، جعفر، «مثل‌های زیبای قرآن» مجله درس‌هایی از مکتب اسلام، شماره ۹ (۸۰).</ref> 

مفسرین نے آیات انفاق کی تفسیر میں بیان کیا ہے کہ جو کچھ بھی خداوند متعال کی راہ میں انفاق کیا جائے وہ منافع سے بھر پور ایک تجارت ہے، کیوں کہ اس کے بدلہ کی ادائیگی کی ذمہ داری خود پروردگار عالم نے اپنے ہی ذمہ لے رکھی ہے۔<ref>مکارم شیرازی، ناصر، تفسیر نمونه، تهران، دار الکتب الإسلامیة، ۱۳۷۱ش، ج۱۸، ص۱۱۷.</ref>

== تزکیہ ==
[[تزکیہ]] اور پاک و پاکیزہ ہونا انفاق کے اہم آثار میں سے ایک ہے۔ چنانچہ ارشاد باری تعالیٰ ہوتا ہے: «الَّذِی یُؤْتِی مَالَهُ یَتَزَکَّیٰ»<ref>لیل:۱۸</ref> یعنی وہ لوگ جو (اللہ کی راہ میں) اپنے مال دیتے ہیں تاکہ پاک و پاکیزہ ہوجائیں۔ 
مفسرین نے تزکیہ کا معنی بیان کرتے ہوئے کہا ہے کہ «یتزکی» کی تعبیر حقیقت میں قصد قربت اور خلوص نیت کی طرف اشارہ گر ہے چاہے یہ جملہ روحانی و معنوی درجات کے حصول کے معنی میں ہو یا اموال کی طہارت و پاکیزگی کے حصول کے معنی میں ہو، کیوں کہ «تزکیہ» کا مطلب «نمو دینا» اور «پاک کرنا» دونوں استعمال ہوا ہے۔ جیسا کہ ارشاد باری تعالیٰ ہوتا ہے: «خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِمْ بِهَا وَصَلِّ عَلَيْهِمْ ۖ إِنَّ صَلَاتَكَ سَكَنٌ لَهُمْ»<ref>سوره توبه: 103</ref> [[پیغمبر]] آپ ان کے اموال میں سے [[زکات]] لے لیجئے تاکہ اس کے ذریعہ آپ انہیں پاک و پاکیزہ بنائیں ان کا تزکیہ کریں (ان کی پرورش کریں) اور انہیں دعائیں دیجئے کہ آپ کی دعا ان کے لئے تسکین قلب کا باعث ہوگی۔

قرآن مجید کے مطابق انفاق سیّأت (گنایوں) کو مٹانے کا باعث بنتا ہے۔<ref>سوره بقره، آیه ۲۷۱.</ref> انسان نیکی کے مرحلہ تک نہیں پہنچ سکتا مگریہ کہ جو کچھ بھی وہ دوست رکھتا ہے اس میں سے خداوند متعال کی راہ میں انفاق کرے۔<ref>سوره آل عمران، آیه۹۲</ref> انفاق کے ذریعہ انسان کی کامیابی کا راز یہ ہے کہ انفاق، قلب اور روح کے درمیان پائے جانے والے رابطے کی گرہوں کو کھول دیتا ہے۔<ref>مصباح یزدی، محمد تقی، رستگاران، قم، مؤسسه آموزشی و پژوهشی امام خمینی (ره)، بی‌تا، ج۱، ص۵۹.</ref>

انفاق کی خصوصیت یہ ہے کہ انسان کو انسان بناتا ہے، انسان سازی کرتا ہے۔ [[شہید مرتضیٰ مطہری]] اس سلسلہ میں فرماتے ہیں کہ جب انسان کے پاس کوئی چیز ہو اور اسے اپنے سے جدا کرے (یعنی جو مال اس کے پاس ہے اسے اللہ کی راہ میں عطا کردے) تو وہ رحمانیت پروردگار کا مظہر بن جاتا ہے اور یہ چیز انسان سازی (یعنی انسان کو انسان بنانے ) میں ایک بڑا کردار ادا کرتا ہے۔ مفسر قرآن [[صاحب مجمع البیان]] بیان کرتے ہیں: 
::«کہ انفاق کرنے والا کوشش کرتا ہے کہ وہ خداوند عالم کے نزدیک پاک و پاکیزہ رہے اور وہ اپنے اس انفاق میں خودنمائی اور شہرت کا خواہاں نہیں ہوتا.»۔<ref>طبرسی، فضل بن حسن، مجمع البیان، ترجمه: احمد بهشتی و دیگران، تهران، فراهانی، بی‌تا‏، ج۲۷، ص۱۳۱.</ref>

=== غربت کا خاتمہ ===
قرآن مجید کے وسیع موضوعات میں سے ایک وسیع موضوع انفاق کے ذریعہ معاشی ذمہ داریوں کے حل سے متعلق ہے۔ جسے قرآن مجید میں مختلف تعبیروں کے ساتھ تقریبا ۸۰؍مرتبہ سے زیادہ استعمال کیا گیا ہے اور مسلمانوں کو خداوند متعال کی عنایت کردہ چیزوں میں سے دوسروں کو عطا کرنے کی ترغیب دلائی گئی ہے.<ref>منتظری، حسینعلی، اسلام دین فطرت، تهران، سایه، ۱۳۸۵ش، ج۱، ص۵۷۴.</ref>

دین اسلام میں انفاق کے اہداف و مقاصد میں سے ایک اہم مقصد سماج و معاشرے سے غربت کا خاتمہ ہے۔ دینی علماء کا کہنا ہے کہ ثقافتِ انفاق سے پتہ چلتا ہے کہ ہر فرد سماج و معاشرے میں دوسرے انسانوں کی فکر، ان کی معیشت اور ان کی زندگی کا خیال رکھتا ہے۔ جس طرح قرآن مجید نے تاکید کی ہے اگر ویسے ہی ثقافتِ انفاق معاشرے میں رائج ہوجائے تو غربت کا مسئلہ جو بہت پیچیدہ، بنیادی اور اہم مسئلہ ہے، اچھا خاصہ اسی ثقافت کے ذریعہ حل ہوجائے گا اور یہ بھی ممکن ہے کہ پورے طور پر حل ہوجائے اور پھر غربےت کا بالکل خاتمہ ہوجائے۔ مفسّرین بیان کرتے ہیں کہ اسلام کا ایک اہم مقصد یہ ہے کہ سماجی بے عدالتی کی وجہ سے غریبوں اور امیروں کے درمیان جو غیرعادلانہ طبقات و درجات پائے جاتے ہیں اسے ختم کرنا ہے۔ دین مبین اسلام اس مقصد کے حصول کے لیے ایک اعلیٰ پیمانہ پر منصوبہ بندی رکھتا ہے جن میں سے اہم ترین منصوبہ انفاق اور دوسروں کو مالی مدد پہنچانا ہے۔<ref>مکارم شیرازی، ناصر، تفسیر نمونه، تهران، دار الکتب الإسلامیة، ۱۳۷۱ش، ج۲، ص۳۱۶.</ref>

دوسروں کی مدد کرنا اور سماج و معاشرہ سے غربت کو ختم کرنا، اعمال صالح کے مصادیق میں سے ایک ہے جس کے اوپر قرآن مجید میں بہت زیادہ زور دیا گیا ہے۔ جو حضرات سونا اور چاندی ذخیرہ کرتے ہیں اور اس میں سے خدا کی راہ میں کچھ بھی انفاق نہیں کرتے ہیں تو خداوند متعال نے ایسے لوگوں کو دردناک عذاب میں مبتلا کرنے کا وعدہ کیا ہے۔<ref>سوره توبه، آیه ۳۴.</ref> مال و دولت اکٹھا کرنے اور انفاق نہ کرنے کو اسلام نے ممنوع قرار دیا ہے نیز مال و دولت اکٹھا کرنے والوں کی بڑی مذمت کی ہے.<ref>منتظری، حسینعلی، اسلام دین فطرت، تهران، سایه، ۱۳۸۵ش، ج۱، ص۵۷۶</ref>
 
== انفاق کرنے والے متقین کے اوصاف ==
{{جعبه نقل قول| عنوان = | نقل‌قول =«(متقین) وہ لوگ ہیں جو راحت اور سختی ہر حال میں انفاق کرتے ہیں اور غصّہ کو پی جاتے ہیں اور لوگوں کو معاف کرنے والے ہیں اور خدا احسان کرنے والوں کو دوست رکھتا ہے۔».<ref>آیه ۱۳۴ سوره آل‌عمران</ref>|تاریخ بایگانی| منبع = | تراز = چپ| عرض = ۲۳۰px| اندازه خط = 14px|رنگ پس‌زمینه =#ffed98| گیومه نقل‌قول =| تراز منبع = چپ}}

انفاق کرنے والے [[قرآن مجید]] کی نظر میں متقین، محسنین<ref>سوره بقره، آیه۱۹۵.</ref> (احسان، نیک کام کرنے والے)، مؤمنین<ref>سوره بقره، آیه۲۵۴.</ref>، مفلحین<ref>سوره تغابن، آیه۱۶.</ref> (فلاح و کامیاب لوگ) وغیرہ ہیں۔ جو افراد غیب پر ایمان رکھتے ہیں اور اقامۂ نماز کرتے ہیں یہ وہی لوگ ہیں جو انفاق کرتے ہیں.<ref>سوره بقره، آیه۳.</ref>

قرآن کریم نے نیکیوں کے اقسام گناتے ہوئے انفاق کو بھی نیکیوں میں شمار کیا ہے۔<ref>سوره بقره، آیه ۱۷۷.</ref> سورہ تغابن کی آیت۱۶ میں انہیں «مفلحون» سے یاد کیا ہے اور جو لوگ جان و مال سے جہاد کرتے ہیں ان کے سلسلے میں «فائزون» کی تعبیر استعمال کی گئی ہے۔<ref>سوره توبه، آیه ۲۰.</ref> سورہ آل عمران میں آیا ہے کہ جو لوگ خواہ وہ راحت و آسائش کی زندگی بسر کرہے ہوں یا سختی کی زندگی کے لمحات گزار رہے ہوں ہر حال میں انفاق کرتے ہیں تو یقینا خدا انہیں دوست رکھتا ہے۔<ref>سوره آل عمران، آیه ۱۳۴.</ref> متقین کی ایک اور صفت یہ ہے کہ انہوں نے اپنے مال میں سائلوں اور محروموں کے لیے ایک معین حق اور حصہ قرار دے رکھا ہے۔<ref>سوره ذاریات، آیه ۱۹.</ref> اور فروتنی کے اوصاف میں کہا جاتا ہے کہ وہ صبور (بہت زیادہ صبر کرنے والے) ہیں، اقامۂ نماز کرنے والے ہیں، اور جو کچھ انہیں روزی کی شکل میں دی جاتی ہے اس میں سے وہ انفاق کرتے ہیں۔<ref>سوره حج، آیه ۳۴ و ۳۵.</ref>

قرآن کریم میں مؤمنوں کی خصوصیتوں میں ملتا ہے کہ یہ وہ لوگ ہیں جو خداوند متعال اور اس کے رسول پر ایمان رکھتے ہیں اور اپنی جان و مال سے خدا کی راہ میں جہاد کرتے ہیں یہی لوگ «صادقون» (سچے لوگ) ہیں۔<ref>سوره حجرات، آیه ۱۵.</ref> نیز قرآن کریم نے«انفاق» کو ارکان ایمان میں شمار کیا ہے۔ انفاق اور مالی امداد کی اہمیت اور اس کی عظمت اس قدر ہے کہ اسے اسلام کے بنیادی مسائل میں شمار کیا گیا ہے۔<ref>«[https://erfan.ir/farsi/83122.html صدقه و انفاق در آیات و روایات]»، پایگاه اطلاع‌رسانی دفتر استاد حسین انصاریان. تاریخ بازدید: ۱۲ مهر ۱۴۰۲ش.</ref>

== مستحقین انفاق ==
قرآن کریم نے نیازمندوں، فقیروں، یتیموں، راستے میں بے چارہ ہوجانے والوں اور محرومین وغیرہ کو اخذ انفاق کا مستحق قرار دیا ہے۔ چنانچہ ارشاد باری تعالیٰ ہوتا ہے: «صدقات و خیرات بس فقراء، مساکین، عاملین زکات (زکات کے حصول، تقسیم، اور دیگر انتظامات میں مدد کرنے والے افراد)، جن کی تالیف قلب کی جاتی ہے، غلاموں کی گردن کی آزادی میں اور قرضداروں کے لئے اور راہ خدا میں غربت زدہ مسافروں کے لئے ہیں یہ اللہ کی طرف سے فریضہ ہے اور اللہ خوب جاننے والا اور حکمت والا ہے»۔<ref>سوره توبه:۶۰</ref>
 
قرآن کریم نے بعض انفاقات کو جیسے زکات، خمس، مالی کفارے اور اقسام فدیہ کو واجب کیا ہے اور کچھ صدقات اور امور جیسے وقف، کسی کے گھر کا انتظام کرنا، وصیتیں، بخشش و عطایا وغیرہ کو مستحب قرار دیا ہے۔<ref>طباطبایی، محسن، تفسیر المیزان، ترجمه محمدباقر موسوی، قم، دفتر انتشارات اسلامی‏، ۱۳۷۴ش، ج۲، ص۵۸۷.</ref>

== انفاق کرنے کا طریقہ == 
پروردگار عالم ہر طرح کے انفاق کو چاہے وہ آشکارا اور ظاہر کرکے انجام دیے گئے ہوں یا مخفیانہ طور پر انجام دیا گیا ہو اسے نیک شمار کرتا ہے اور اس کے لیے اجر و پاداش عطا کرتا ہے۔<ref>سوره بقره، آیه ۲۸۴.</ref> لیکن پوشیدہ انفاق کو بہتر جانتا ہے۔<ref>سوره بقره، آیه ۲۷۱.</ref> مفسرین قرآن مجید معتقد ہیں کہ آشکار اور پوشیدہ دونوں طرح کے انفاق کے بہت زیادہ فوائد ہیں۔ آشکار انفاق، لوگوں کو خود اسی نیک کام کی انجام دہی کی طرف دعوت دیتا اور ابھارتا ہے اور سماج و معاشرے کو اس کی ترغیب دلاتا ہے۔ لیکن پوشیدہ اور مخفیانہ طور کا انفاق، ریا، مِنَّت، آزار، تحقیر، ذلت و رسوائی وغیرہ سے دور ہوتا ہے نیز اس کے روحانی و معنوی آثار بہت زیادہ اور عظیم حیثیت کے حامل ہیں۔<ref>طباطبایی، محمد حسین، المیزان فی تفسیر القرآن، ترجمه: محمدباقر موسوی همدانی، قم، دفتر انتشارات اسلامی‏، ۱۳۷۴ش، ج۲، ص۶۱۰.</ref>

قرآنی ثقافت میں انسان کے روحانی و معنوی شخصیت کے ارتقاء کا اصلی مقصد انفاق شمار کیا گیا ہے۔ وہ چیز جو اس عمل کو معنی دار اور پُر اہمیت بناتی ہے وہ نیت ہے اور جو بھی انفاق ریاکاری وغیرہ کی بنیاد پر ہو اسے بے اثر اور بے ارزش جانا گیا ہے۔<ref>جمعی از نویسندگان، «انفاق»، دائرة المعارف بزرگ اسلامی، تهران، مرکز دائرة المعارف بزرگ اسلامی، ج ۱۰، ذیل مدخل.</ref> جب تک انفاق، خداوند متعال کی راہ میں ہو نہ کہ لوگوں پر فوقیت اور برتری طلبی کے لیے تو پھر یہ ایک صالح عمل کہلائے گا ورنہ نہیں۔<ref>مدرسی، محمد تقی، احکام عبادات، قم، انتشارات محبان الحسین(ع)، ۱۳۸۱ش، ج۱، ص۵۲۳.</ref> 

انفاق کا اصلی مقصد خداوند متعال کی رضا کا حصول اور اس کی خوشنودی ہونی چاہیے۔<ref>سوره بقره، آیه ۲۶۵. محسنی، محمد آصف، افق اعلی، کابل، رسالات، ۱۳۹۶ش، ج۳، ص۱۹۶.</ref> نہ کہ جاہ طلبی، شہرت اور خواہشات نفسانی کی خاطر۔<ref>مطهری، مرتضی، مجموعه آثار، تهران، صدرا، ۱۳۹۰ش، ج۲۲، ص۱۸۷.</ref> اگر انفاق مِنّت و سماجت کے ہمراہ ہو تو اس کا یہ عمل اس کے تمام اجر و پاداش کو نابود کردے گا۔<ref>مکارم شیرازی، ناصر، تفسیر نمونه، تهران، دار الکتب الإسلامیة، ۱۳۷۱ش، ج۲، ص۳۱۸.</ref> اگر انفاق مِنّت و سماجت اور آزار وغیرہ سے خالی ہو تو اس کا اجر خداوند متعال کے نزدیک محفوظ ہے۔<ref>سوره بقره، آیه ۲۶۲.
</ref>
== حوالہ جات ==
{{پانویس|۲}}